Serbi/ Shaip Kamberi takohet me presidentin Vuçiç: Shqiptarët nuk kërkojnë poste qeveritare por respektimin e të drejtave të tyre

In the meeting called by President Vucic,I reaffirmed our stance:“We're not seeking government positions at the state level. Our sole focus is advancing Albanian rights! “
Discrimination should stop, diplomas should be recognized. Equal treatment should start. pic.twitter.com/CbRrDUHG54

— Shaip Kamberi (@shkamberi) February 26, 2024

Në një postim më të gjatë në Facebook, Kamberi renditi kërkesat për Vuçiç

Presidentit Vuçiç i prezentuam kërkesat legjitime të shqiptarëve të Luginës të bazuara në Planin 7 pikësh, ripërsëritëm qëndrimin tonë të përbashkët se nuk jemi të interesuar për asnjë pozitë në nivel qëndror por që konsiderojmë se avancimi i të drejtave të shqiptarëve është interesi jonë i vetëm dhe ai duhet të fillojë nga institucionet shtetërore të nivelit lokal e rajonal.

Qasja e shtetit ndaj shqiptarëve duhet të ndryshojë.

Rasti i mjekëve të diskriminuar të Preshevës kërkon zgjidhje urgjente, njejtë sikur integrimi i shqiptarëve të kualifikuar në polici.

Me presidentin Vuçiq diskutuam edhe për nevojën e privatizimit të Banjës së Bujanocit, rritjes së investimeve në nivel lokal dhe ndaljen e gjuhës së urrejtjes ndaj shqiptarëve.

Shkollat në gjuhën shqipe dhe përmirësimi i infrastrukturës në to do duhej të jenë agjendë e qeverisë së re ndërsa riemërimi i shkollës në Bilaç në Ismail Kadare do duhej të siguronte qasje konstruktive të ministrisë.

Diplomat kërkojnë zgjidhje urgjente. Nga to varet edhe avancimi i pozitës së shqiptarëve të Luginës dhe sigurimi i një perspektive më të mirë për të gjithë.

Institucionet shtetërore në nivel lokal duhet të hapin dyert për integrimin e shqiptarëve. Mbyllja e tyre nënkupton përjashtim të popullësisë shumicë në Luginë të Preshevës.

Beteja jonë në realizim e kërkesava tona vazhdon!